ورتالىق كوممۋنيكاتسيالار قىزمەتى الاڭىندا قازاقستان رەسپۋبليكاسى باس پروكۋراتۋراسىنىڭ باستاماسىمەن جانە پرەزيدەنت اكىمشىلىگىنىڭ, مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ قولداۋىمەن وتەتىن «رۋحاني جاڭعىرۋ – پاتريوتيزم نەگىزى» اتتى ۆەدومستۆوارالىق بايقاۋى جايلى بريفينگ ءوتتى.
جيىنعا قر باس پروكۋرورىنىڭ كەڭەسشىسى – اعا كومەكشىسى نۇرگۇل قاراعويشينا, قر قارۋلى كۇشتەرى باس شتابى تاربيە جانە يدەولوگيالىق جۇمىستار دەپارتامەنتىنىڭ باستىعى – قايسار مۇعالوۆ, قر ىشكى ىستەر مينيسترلىگى مەملەكەتتىك ءتىل جانە دەپارتامەنتىنىڭ ديرەكتورى الماس سادۋباەۆ, سىبايلاس جەمقورلىققا قارسى ءىس-قيمىل ۇلتتىق بيۋروسى اكىمشىلىك قۇقىق دەپارتامەنتىنىڭ باسقارما باستىعى قۋانىش مىرزاعالي قاتىستى.
اتالمىش بايقاۋعا – باس پروكۋراتۋرا, ۇلتتىق قاۋىپسىزدىك كوميتەتى, ىشكى ىستەر مينيسترلىگى, قورعانىس مينيسترلىگى, مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى, مەملەكەتتىك كۇزەت قىزمەتى وكىلدەرىنەن قۇرىلعان 6 كوماندا قاتىساتىنىن اتاپ وتكەن ءجون.
«سايىسقا قاتىساتىن كوماندالار 2 اينالىم بويىنشا سايىسقا تۇسەدى. ونىڭ ءبىرىنشىسى - مەملەكەتتىك ورگاننىڭ قىزمەتى جانە رۋحاني جاڭعىرۋ اياسىنداعى اتقارىلىپ جاتقان ناقتى ىستەرگە نەگىزدەلگەن تانىستىرۋ مەن بەينەبايان سىندى ەكى بولىمنەن تۇرسا, ال ەكىنشىسى – «رۋحاني جاڭعىرۋ – پاتريوتيزم نەگىزى» اتتى ساحنالاندىرىلعان كورىنىستەن تۇرادى. جەڭىمپازداردى قوعام قايراتكەرى مىرزاتاي جرولداسبەكوۆ باستاعان قازىلار القاسى انىقتايدى», دەدى نۇرگۇل قاراعويشينا.
راۋان قايدار,
«ەگەمەن قازاقستان».